Vawiin atang khan Champhai District-a NLUP 2nd Phase hnuaia Hill Cattle/Mithun (Zo bawng/Sial) vulh thlangtute zinga beneficiary 196 hnenah Final Installment sem tan a ni. Beneficiary-te hi Rs. 60,000 theuh pek niin, Khuangleng Distribution Centre-ah bawng/sial vulh thlangtu khaw 10 chhhunga beneficiary 113 hnenah Rs. 67,80,000 sem a ni a. Naktuk (14.7.2015) hian Khawbung Community Hall-ah khaw pariat a beneficiary 83 hnenah Rs. 49,80,000 sem tura ruahman a ni.

Champhai District AH&Vety Officer Dr. Lalchungnunga Pudaite chuan NLUP tanpuina hi sem in, ran enkawl dan leh hri leng awm thei laka inven dan kawngah te zirtirna pek nghal a ni a; thahnemngai taka thawk turin leh tanpuina sum an dawn te chu ti riral mai mai lo turin beneficiary-te chu a chah a ni.

July ni 10, 2015 khan Hliappui Community Hall-ah khua pathum atanga bawng/sial vulh thlangtu 81 hnenah 2nd Phase tanpuina hi pek tlak a lo ni tawh bawk.