Vawiin chhun khan UD & PA Minister  Pu Zodintluanga hovin a office ah  Urban Mass Transit Company te nena inkawmho na pawimawh tak  ‘Presentation of  Cable Car Project’ chungchang  zir  ho a ni a, Aizawl khawpui chhung leh a chhehvela  ropeway hmanga in kal pawh dan tur leh mumal zawka  lirthei kalna  leh dahna  hmun tur chungchang thlir ho a ni.

Pu Zodintluanga  chuan  khawpui thang chho mek ah  Cable Car Project chu  thil pawimawh  tak leh  zir chian  ngai tak  anih thu a sawi a, mipui pung zelah ah lirthei kalphung leh a  dahna tur hmun te leh rope way hmanga veivahna tur te hi tun hma in ruahmanna awm tawh anih thu sawiin, rokhawlhna engemaw avangin  chhunzawm a nih rih tak loh  thu a sawi a. Tun tuma Urban Mass Transit  Company  te nena a kalphung leh a ruangam te  sawiho na hun tha tak an nei chu lawmawm a tih thu a sawi  a ni.

Thil  tha tak leh hmasawnna tangkai tak tur a nih rual in  project kalpui tur hian state sorkar in a remtih pui  phawt a ngaih thu leh  Central sorkar  in  an pawm pui a    sum leh pai an ngaihtuah pui an a tul tih  sawiin,  a thatna avanga  duh ringawt theih a ni rih lova, hemi atana sum ruahman dan turte,  la zir chianga  Company te  nen hian hun  rem chang a sawi ho  leh a duh thu  a sawi ani.

Dr C.Vanlalramsanga, IES, Secretary , Planning and Program Implementation Department  chuan  hemi chungchang ah hian theihtawpa bawhzui tum anih thu a sawi a, he ruahmanna hi a kalphung tur leh a dinhmun zirchianga hmalak a pawimawh anih tih sawiin, hlawhtlin pui ngei turin bawhzuia, mumal zawka ruahmana siam a la tul dawn avangin  hun engemaw  chen  a  la duh dawn tih a sawi.

Urban Mass Transit Company atang  hian Captain Satish  Pathania,  Leading Edge Adventures leh  Ranjani J Dutta  Project Manager  te an lo kal a, Power point Presentation  hmang in an hmalak thin dan leh an hnathawh dan an entir a ni.

Cable Car Project hi a taka kalpui theih anih chuan Chaltlang  leh Kulikawn  inkar ah te, Durtlang leitan  leh Aizawl atanga  Sairang  leh Lengpui  Airport hmunah ah te kalpui tura rawtna sawiho a ni.

He meeting ah hian hemi kaihhnawih Dept hrang hrang hotute an tel a ni.