Aizawl New Capital Complex Welfare Committee, Khatla chuan New Capital Complex a lo thianghlim zawkna turin hma a la mek a, nula tlangval mawi lo zawnga khawsa thinte leh zu leh ruihhlo chi hrang hrang tihna hmuna hmang thinte veng turin, Duty-na buk vawiin khan hnatlangin an sa.
Duty-na hmun tur bukte an sakah hian zan lamahte ngawrh taka duty an tum tih New Capital Complex Welfare Committee chuan an sawiin, New Capital Complex hi sorkar hmun pawimawh a nih avangin, dun dah taka khawsakna atan a rem lo tih leh Sorkar leh khawtlang duhloh zawnga khawsate chungah khuah taka hmalak an tum tih an tarlang a, an hmalakna hi tawiawm turin khawtlang hruaitu leh mipuite an ngen bawk a ni.
New Capital Complex huam chhung hi, Aizawl khawpui hulum lai atanga hla lo te, mahse fianrial angreng tak, han len khawthawn velna atan pawha hmun nuam tak a ni a, Sawrkar Office pawimawh tak tak awmna a ni bawk a. Amaherawhchu hmun fianrial a nihna remcharga la a, mawilo tak leh khawtlang mit tikham zawnga helai hmuna chetla thin an awm a. Hetiang ruihtheih thil tih leh ualau taka mipat hmeichhiatna hmanna hmun atana helai hman hi Welfare Committee chuan rem a ti lo va. Hetiang ang ti thinte veng tur hian ‘duty’ te insiam a ni; Krismas leh Kumtbar vuakvet lai velah phei chuan uluk leh zuala ‘duty’ a ni ang. Welfare Committee chuan heihi hriatthiam puia helai hmun vawn thianghlim pui turin mitin an sawmin an ngen a ni. Tluang tlam taka len khawthawn nana hmang duhtute chu englai pawhin an lo lawm reng a. Tin, Sawrkar thupek angin halpuah leh halzit ang chi hal khap tlat a ni bawk.
New Capital Complex huam chhung hi, Aizawl khawpui hulum lai atanga hla lo te, mahse fianrial angreng tak, han len khawthawn velna atan pawha hmun nuam tak a ni a, Sawrkar Office pawimawh tak tak awmna a ni bawk a. Amaherawhchu hmun fianrial a nihna remcharga la a, mawilo tak leh khawtlang mit tikham zawnga helai hmuna chetla thin an awm a. Hetiang ruihtheih thil tih leh ualau taka mipat hmeichhiatna hmanna hmun atana helai hman hi Welfare Committee chuan rem a ti lo va. Hetiang ang ti thinte veng tur hian ‘duty’ te insiam a ni; Krismas leh Kumtbar vuakvet lai velah phei chuan uluk leh zuala ‘duty’ a ni ang. Welfare Committee chuan heihi hriatthiam puia helai hmun vawn thianghlim pui turin mitin an sawmin an ngen a ni. Tluang tlam taka len khawthawn nana hmang duhtute chu englai pawhin an lo lawm reng a. Tin, Sawrkar thupek angin halpuah leh halzit ang chi hal khap tlat a ni bawk.
