Tukin zing dar 8 khan Luangmual hmuna YHAI Hostel atanga chhuak tur National Trekking & Caving Expedition chu Pu Zodintluanga, Sports & Youth Services etc. Minister chuan a vailiam.

 

 

 

 

Pu Zodintluanga chuan tlang leh mual lawn tur leh puk fang turte chu Mizoram-ah an thil tih turah harsatna te neilo turin a duh thu sawiin, India ram state hrang hrang atanga lokal khawmte hnenah chuan, :Ram hla tak atanga Mizoramte in rawn thleng thei hi kan lawm a che u, he hun pawimawh tak hian India ram state hrang hrangte in unauna leh inpawhna tha tak thlen ngei se, rilru lamah inhnaihna tha tak siam ang u” tiin lawmna thu a sawi a ni.

Vawiin atanga chhuakin state hrang hrang atanga lokalte hian Luangmual, Aizawl atanga tanin Reiek tlang leh hmun engemaw zat ke a kalin zan 5 an thang dawn a ni. Heng mi 18 lokalte hi Assam, Tamil Nadu, Karnataka, Kerela, Delhi, W. Bengal, Orrisa leh Madhya Pradesh amite an ni a, Mizoram atangin guides 4 te nen ram an fang anga, Khuangchera Puk te an lut bawk dawn a ni.

Thlahna inkhawm tawite neih hi Pu Zoliana Royte, President, Mizoram Chapter of YHAI leh Sports & Youth Services Director ni mek chuan a kaihruai a ni.