May Ni 20-22, 2016 chhung khan Talkatora Indoor Stadium, New Delhi-ah Karate Association of India (KAI) buatsaih KAI Sub-Junior, Cadet, Junior and Under 21 years National Karate Championship 2016 neih niin, he National Championship-ah hian Mizoram State Sports Council (MSSC) leh All Mizoram Karate Association (AMKA) chuan Mizoram Karate Team tir chhuakin, Mizoram Karate Team hian Mizoram tan Gold Medal 2, Silver Medal 3 leh Bronze Medal 1 an rawn hawn a.

He National Championship neih laia buatsaih KAI Referee & Judge Examination-ah Mizoram atangin Judge A leh Judge B pass thar mi pakhat ve ve awmin, KAI Accredited Coach Examination-ah pawh mi 5-in National Licensed Coach an tling thar bawk a ni.

He Championship-a Medal latute hian Asia Karate Championship 2016 leh South Asia Karate Championship 2016 khel tura koh hmabak an ni a.

Medalist te chu heng mite hi an ni:-

1. Lalrinzuali, Female Under 21 years Individual Kata = GOLD MEDAL

2. Melody Ramdinsangi, Female Junior Kumite -52 kgs = GOLD MEDAL

3. Zonunmawii, Female Under 21 years Kumite + 68 kgs = SILVER MEDAL

4. Vanlalthlanpuia, Male Cadet Kumite -52 kgs = SILVER MEDAL

5. Lalduhsangi, Girls 11 years Kumite = SILVER MEDAL

6. Lalsangliana, Male Under 21 years Kumite -75 kgs = BRONZE MEDAL

KAI National Judge A leh Judge B tling tharte:-

1. Pu Lalropuia, KAI National Judge A

2. Tv. Malsawmzuala, KAI National Judge B KAI

National Licensed Coach tling tharte:-

1. Pu Lalropuia, Secretary, AMK Technical Board

2. Tv. Malsawmzuala, Asst. Secretary, AMK Technical Board

3. Pu Lalramthara, Member, AMK Technical Board

4. Tv. Lalsangliana, AMKA Registered Black Belt

5. Pu T.C.Lalremsiama, General Secretary, AMKA General Headquarters

He Championship-ah hian Pu T.C.Lalremsiama, General Secretary, AMKA General Headquarters chu Mizoram Karate Team Manager niin, Sensei Lalropuia, Secretary, AMKA Technical Board chu Team Coach a ni.