3757/2022-2023

3.03.2023 : Mizoram House, New Delhi chuan vawiin khan Mizoram House Conference Hall, Vasant Vihar, New Delhi-ah Pu Alexander V. Chongthu, Resident Commissioner hovin Chapchar Kût an hmang.

He Chapchar Kût lawmnaah hian Kût Pa atan Pu HV Lalringa, IAS (Rtd), former Chief Secretary of Mizoram hman a ni a, Delhi Mizo Welfare hruaitute, Delhi khawpui chhunga Mizo Officer thawk mek leh chawl tawhte, Delhi-a Mizo nu leh pa langsar deuhte leh Delhi Mizo Zirlai Pawl hruaitute sawm an ni a, Delhi-a cham mek Mizoram sawrkar hnuaia Officer ten an telpui bawk.

Delhi-a Chapchar Kût lawmnaah hian Pu Alexander V. Chongthu, Resident Commissioner-in Kût hmang tura lokalte lawmna thu a sawi a, Kût Pa, Pu HV Lalringa hnen atangin thusawi ngaihthlak a nih hnuah Chapchar Kût chanchin tlangpui ngaihthlak a ni. Hemi zawh hian Delhi Mizo Zirlai Pawlten Cheraw lam leh Chai lam an entir a, Pu Vanlalzuala Chhangte, Dy. Resident Commissioner-in lawmthu a sawi zawhah Kût lawmna a kal zawng zawng ten chawchhun kilho a ni a, hun hlim taka hman a ni.

Attachment

  • Loading attachment...