No.2203/2021-2022

Aizawl the 13th September, 2021 : Director, Commerce & Industries hovin vawiin chhun khan Aizawl New Market-a building sak that mek chungchangah meeting neih a ni a, New Market chuan hnuai (Foreign Lane ti-a sawi thin) building Rs 3,641.59 Lakhs senga sak mek dinhmun thlirho niin, Main building sak tura hmachhawp mekte thlirho a ni bawk.

Heng market building pahnih thiah takte a thu thin- Sumdawng / Thilzuar / Thlai zuar chi hrang hrang te hi agreement siam sakin building sak zawh a nih huna building thar an luah theihna tur atan ruahmanna siam sak an nih thu tarlan a ni a. Hei bakah hian heng building sak that a nih chhunga suan chhuah lailawkna tur hmun sawrkarin a buatsaih ah te an insuanchhuah dan te thlirho a ni bawk. An insuanchhuahna tur atan hian heng hmun – New Market - NEC Building; AMC Building, Bawngkawn; Bawngkawn Market Building; New Market Office Building leh Temporary Market Building, Khatla te ruahman sak an ni. Hetiang a nih mek lai hian Hripui Covid-19 leng mek avangin thutna tur atana ruahman sak hi Sumdawng/ Thilzuar te hian an la hmang tangkai vek hlei thei lo a ni.

Aizawl New Market-a Foreign Lane Building thiah taka building sak mek dinhmun tarlan a ni a, hei bakah hian Main Building thiahna hmuna Smart City Projects Limited sum hmanga building

sak a nih thuai theih nan Smart City Projects Limited hotute pawh ngen an ni. He meeting-ah hian Department hrang hrang - Commerce & Industries, UD&PA, I&PR, AMC leh Smart City Projects Ltd. hotute an tel a ni.