New Secretariat Complex chhunga Sorkar Quarters chungchang thuthang engemaw awm chu General Administration Department chuan a hnuaia tarlan ang hian thil awm dan diktak a sawifiah.

‘New Secretariat Complex hmuna Governor’s Complex atana ruahmanna hmasa ah khan Governor’s staff te awmna tur quarters sak a ni a. Type I, Type II leh Type Ill te niin heng hi tunah chuan sorkar hnathawk Department hrang hrang amiten an luah a ni. Helai hmuna office hnaih lutuka quarters awm hi sorkar chuan thalo a tihna a rei tawh a. Department hrang hrang office hmun tur nei lova, mi in luah hawha khawsa la awmte hi anih tur ang taka New Secretariat Complex-a hmun pek a, office building sak tir tul a ti bawk a. Chuvang chuan helai area hi office hrang hrang hnenah pek tura ruahman fel a nih angin allotment siam a ni a, kum 2 chhunga hna tan tura tih an ni. Helai quarters building te hi a then chu thiah a la ngai dawn bawk nain tuna thiah mai tumna a awmlo. Tuna Accounts & Treasuries in an samfai nachhan chu Contour Mapping tih a ngaih vang a ni. Hengte avang hian tuna heng quarters luah mekte tan chiaina tur a awm lova, building hi thiah nghal a, sak nghal tur tih pawh a ni lo. Hemi chhung hian sorkar chuan a tul angin helai quarter-a awm te chenna tur hi a ngaihtuah mai dawn a ni. Sorkar hian Shivaji Tillah ah Type, I, II & III quarters sak lai mek a neih bakah sak tum zel a ni a, harsatna a awm lo tura ngaih a ni. Tin, sorkarin office building sak nana Department ram a pekte hi Sorkar ta a ni tih hriat a tha awm e.’