Vawiin khan Kolasib District chhunga Assembly Constituency pathuma duty tur polling party te chuan Inthlanna-a hman tur Material te DC Office atangin an la chhuak ta.

Heng polling party te hian naktuk atangin an duty na hmun tur an pan tan dawn a, DC Office –ah EVM la chhuak –in zing dar 8 atangin an che tan dawn a ni. Ti hian Kolasib District chu MLA 2013 inthlanna atan a inpeih ta a ni.

Kolasib District chhung Assembly bial thumah hian Polling station 76 a awm a, District headquarters atanga khaw hla ber hi N. Hlimen a ni a. Tun thlenga Electrict la awm lohna khaw pathum awmin chungte chu Rastali, S. Chhimluang leh N. Thinglian te an ni a. Motor luh lohna khua Rastali chu a kawng ngawrh taka siam a niin duty turte kal hma hian zawh hman beisei a ni.

Vote thlakna atana hmanrua thiar chhuahna hunah hian Pi K. Vanlalruati, ARO & SDO(S) leh Pu Lalchhanhima SDC te chuan thutchilhin heng hmanruate hi an pe chhuak a ni.