Kolasib District chhung constituency pathum a Tukuk,Tripura Transit Camp-a vote thlak, Ballot Box 14 te chu vawiin chawhma khan Pu Lalrinawma, SDC leh Pu V. Lalruatliana, BDO, Thingdawl te chuan Helicopter-in Kolasib tluang takin an thlenpui a. Kolasib DC Office an rawn thlen hian Kolasib DC and District Election Officer Pu Jitender Yadav, IAS leh ARO ten an lo dawngsawng a. Hemi hnu hian Strong room-ah dahluh nghal a ni.

Kolasib District chhung constituency pathum –a tuikuk vote tlak dan hi..4- Tuirial constituency a voter 634 atangin vote 436 a tla a, 5- Kolasib constituency-ah Voter 472 awmin vote 308 a tla a. 6- Serlui-ah Voter 747 awmin Vote 632 a tla a ni.

Tripura transit Camp- a vote thlakna tehi Hamsapara, Kaskau leh Khakchangpara –te an ni.