886/2025-2026

Dated: Mamit the 23rd of June, 2025 : Mizoram Sawrkar chuan Hriattirna hmasa vide No.K.12011/18/2017-REV/216 dated 24.09.2021 hmangin Indo Bangladesh International Border-a ram ven himna leh vawn himna atana Ministry of Home Affairs, Government of India hnuaiah Border Security Forces (BSF) te'n New Tuipuibari, Mamit District-a BOP sakna tur ram lakna tur atan Section 11 of The Mizoram (Land Acquisition, Rehabilitation & Resettlement) Act, 2016 hnuaiah Preliminary Notification a lo ti chhuak tawh a.

Tin, MLARR Act, 2016 chu Guwahati High Court, Aizawl Bench-in W.A. 70 of 2018 a Order dt.30.10.2024 hmangin kan state-ah hman theih lova puan a lo ni ta a.

Tin, Right to Fair Compensation and Transparency in Land Acquisition, Rehabilitation and Resettlement Act, 2013 (heta tang hian RFCTLARR Act, 2013 tia sawi a ni ang) chu 9th Mizoram Legislative Assembly Session vawi 4-na, ni 11th March, 2025-a neihah pawm niin Notification No.H.11018/1/2019-REV dt. 28.03.2025 hmanga tihchhuah a lo ni ta bawk. Tichuan, MLARR Act, 2016 hnuaia ram lak tur chungchanga Preliminary Notification tihchhuah tawhna project zawng zawng chu tun atang chuan RFCTLARR Act, 2013 angin kalpui chhunzawm tur a ni tawh ang.

Chuvangin, Mizoram Sawrkar chuan section 11 Sub Section (1) of RFCTLAR Act, 2013 hnuaiah hetiang hian hriattirna thar a tichhuak e:-

1. He ram mamawh chhan hi a chunga tarlan ang hi a ni.

2. He ram lak tur atan hian Section 9 RFCTLARR, Act 2013-in a tarlan angin Social Impact Assessment neih a ngai lovang.

3. Deputy Commissioner/Collector Mamit District chuan he hna (project) atana ram mamawh tur chin chiah lak a nih theih nan RFCTLARR Act, 2013 Section 12-a tarlan angin Preliminary Survey a nei ang. He Hriattirna tihchhuah a nih atanga thla 2 (hnih) chhungin, ram lak tur chhunga ram record zawng zawng te chu update vek tur a ni ang a. Hei hi Sawrkarin Declaration a tihchhuah hmaa tihfel tur a ni bawk ang.

4. Section 15 of RFCTLARR Act 2013 in a sawi angin he ram lakna tura Hriattirna chhuah a nih atanga ni 60 chhungin sawibuai tur nei chuan Deputy Commissioner/District Collector, Mamit hnenah ziakin an thlen tur a ni.

5. Additional Deputy Commissioner, Mamit District chu he ram lakin a nghawng chhungkua te (an awm chuan) anmahni chhawmdawlna leh sawn chhuahna tur (Rehabilitation & Resettlement) chungchangah Administrator atan ruat a ni.

6. Hriattirna tihchhuah ni atangin, ram pek thar emaw, ram hman dan tihdanglam theihna thuneitute'n an nei tawh lovang.

7. He ram lak tur chungchangah hian mi tupawh, Surveyor emaw, he ram lakna atana ruat te hnathawh tibahlah zawng leh tibuai zawnga lo awmlo tura hriattir an ni. Tin, he hriattirna chhuah hnua Deputy Commissioner/District Collector phalna tel lova ram luah, dahkham, hralh chhawn / hming thlak, pek chhawn emaw, ram lo tihdanglam leh cheibawl reng reng chu Section 11 of Sub-section (4) of RFCTLARR, Act, 2013 angin assessment-ah chhiar tel sak an ni lovang.

SCHEDULE

District - Sub-Division - Name& Location of BOP - Unit
Mamit - West Phaileng - New Tuipuibari - 181 BN BSF

He hriattirna tihchhuah hian lehkha hmasa No. K. 12011/18/2017-REV/216 dated 24.09.2021 chu a thlak a ni.

Hriattirna BoP New Tuipuibari.pdf