Zonal Cultural Centres chuan Silver Jubilee lawmna India ram pumpui huap March thla 2012 a lawm tan chu Mizoramah lokal zelin Kolasib, Luglei leh Aizawl-ah te North East Zone Cultural Centre, Dimapur chuan Jubilee lawmna programme a buatsaih a. Vawiin chhun dar 12 khan Art Workshop, Aizawl-a a buatsaih chu Tourist Lodge, Banquet Hall-ah hawn a ni a. He workshop a tel tur hian State pawn atangin Painters leh Sculptures mi 24 an lo kal.

Kolasib-ah Jubilee lawmna cultural programme nei turin State pathum (3) atangin lam thiam mi 46 an lo tel a. St. John’s Higher Secondary School, Kolasib-ah ni 19.9.2012 (Nilaini) chawhma dar 10:30 atangin Jubilee lawmna programme hman tur a ni a. Chutiang bawkin Sacret Heart School, Lunglei ah State pathum (3) atanga lam thiam 46 lo kal ten ni 19.9.2012 (Nilaini) chawhma dar 10:00 atangin Jubilee lawmna programme hman tur a ni bawk.

Ni 21.9.2012 (Zirtawpni) chawhnu dar 1:45 atangin Vanapa Hall-ah Jubilee lawmna pui ber Lunglei leh Kolasib a kalte leh Mizoram lam thiam ten lawmna programme an nei ang. Mizoram Governor Pu Vakkom Purushothaman khuallian a ni ang a. Art & Culture Minister Pu P.C. Zoram Sangliana chu khual zahawm a ni ang. North East Zone Cultural Centre Officers leh Art & Culture Department Officers te he programme pawimawh tak atan hian an inbuatsaih ngawrh hle.

A en turin mipui a remchang thei apiang sawm an ni. En man a awm lo ang.