Mizoram rawn tlawha cham mek, National Foundation for Communal Harmony Secretary, Ambassador Ashok Sajjanhar chuan vawiin tlai khan Chief Minister Pu Lal Thanhawla chu a chenna bungalow-ah a hmu.

Ambassador Ashok Sajjanhar chuan Mizoram University Academic Staff College ina an sawn anga Mizoram lokal a ni tih Chief Minister hi a hrilh a. Mizoram chu ram ralmuang leh hnam tin chitin inpawh taka khawsa tlang an ni tih a hria chu a fakawmin a entawn tlak tak meuh a ni a ti a. Hetia hnam hrang hrang leh sakhuana hrang hrang vuantuten boruak muanawm tak hnuaia an lengza thei hi an awhawm hle a ni a ti.

Chief Minister Pu Lal Thanhawla chuan Mizoram chu India ram hmun dang mite tlawh tlem ber state anih thu sawiin, Prime Minister Pi Indira Gandhi atang tawha Mizoram chu rawn tlawh tam tura central sorkar hotute a sawm thin thu a a sawi a. Inhmelhriat tawnna tam leh inpawhna tam hian India ram inpumkhatna a tichak thei mai niloin, hnam hrang hrangte inkarah boruak muanawm a siam theih thu a sawi a. India ram inpumkhatna tichak turin a leilung fa, hnam hrang hrangte inkungkaihna tha siam a pawimawh hmasa tih a sawi bawk a ni.