No.2232/2021-2022

Aizawl, the 15th September, 2021: Ngaizawl khuaa Covid-19 hrileng inkaidarh tur ven nan leh, mipuite hri laka an him zawkna tura Zonal Officer kaltlanga VLTF ten ngenna an thlen anga CMO Champhai District aiawhin zirchianna leh rawtna a neih bawhzui nan, Pu C.C Lalchhuangkima, Deputy Commissioner & Chairman, District Disaster Management Authority Khawzawl District chuan Section 34 (b), 34 (c) leh 34 (m) of the Disaster Management Act, 2005 tlawhchhanin Ngaizawl khua chu vawiin September ni 15, 2021 tlai dar 5:00 atanga thu leh awm hma Restricted Area-ah a puang.

Ngaizawl khuaah hian Restricted Area-a hman tur inkhuahkhirhna Khawzawl District Bawrhsap-in a tihchhuah tawh chu khauh taka kenkawh tur a ni ang.

Vawiin vek khan September ni 7, 2021 a Restricted Area-a puan Khawzawl Vengthar leh September ni 9, 2021 a Restricted Area-a puan Khawzawl Lungvara Covid-19 hrileng dinhmun uluk taka zirchian a nih hnuah hrileng inkaidarh kal zel a awm tawh rih loh avangte leh, Primary High Risk contact-te pawh a tul anga khunghran vek an ni tih hriat a nih avangin Deputy Commissioner & Chairman, District Disaster Management Authority, Khawzawl District chuan Section 34(m) of the Disaster Management Act, 2005 in thuneihna a pek angin Restricted Area-a an nihna a hlip nghal bawk. Khawzawl District-a hman tur Covid-19 vanga inkhuahkhirhna tihchhuah tawh chu hman chhunzawm tur a ni ang.