No.2231/2021-2022

Aizawl, 15th September, 2021 : National Florence Nightingale Awards 2020 chu India rama Nurse 51 hnenah vawiin khan India President Pu Ram Nath Kovind chuan NIC centre 29 kaltlangin a hlan a. Mizoram atangin mi 2 - Pi C. Dengthangpuii, Health Supervisor(Rtd) Bungkawn Vengthar Aizawl leh Pi Vanlalthuami, Health Worker, Theiriat Sub- Centre, Lunglei ten he chawimawina hi an dawng a ni.

Florence Nightingale Award hi India ram chhunga nurse hnathawk țha bikte hnenah hlan thin niin hei hian Citation leh sumfai Rs.50,000 a keng tel a. Mizoram atangin he Award lo dawng tawh mi 11 an awm a ni.

Vawiina India ram pum huapa Award hlanna hi Mizoram sawrkar Health & Family Welfare Department hnuaia Nursing hotute leh Award dawngtu ten Aizawla NIC video conference Centre atangin an lo zawm a. Pu R.Lalramnghaka IAS, Secretary H&FW chuan function hi hmanpuiin India President aiawhin Award hi Pi C.Dengthangpuii leh Pi Vanlalthuami te hnenah a hlan a. Anni 2 bak Mizoram atanga he Award lo dawng tawhte chu Challiani Ralte(1974), Lalbiakveli(1975), V.Zochami(1975), Lalnuntluangi(1984), K.Lianchhingi(2008), C.Romawii(2008), Kapzawni(2009), K.Thansiami(2009), Lalbiaksangi(2011), Lallungmuani(2014) leh Vanhnuaithangi(2015) te an ni.

Attachment

  • Loading attachment...