Nimin (23.4.2019) khan Champhai District Krishi Vigyan Kendra (KVK) Khawzawl buatsaihin Ngaizawl khuaah  Sawhthing chin leh enkawl dan zirtirna 'Vocational Training on Scientific Management of Ginger' tih  neih a ni.Training hi Govt. Middle School Building-ah chawhma dar 11 atanga neih tan niin  Sawhthing chin leh enkawl dan bakah Sawhthing tam enkawl dan inhrilhhriatna neih a ni.

He hun hi KVK Head & Senior Scientist Dr. Henry Saplalrinliana chuan a kaihruai a, KVK chu Loneitute tana ding an nih thu tarlangin,  buh leh thlai chinna kawngah harsatna an nei anih chuan inthlahrung lova KVK Scientist te rawn thin turin a chah a.  Loneitu te chu Sawhthing hlawk zawk leh hrisel zawk  thar chhuah theihna tura training huaihawt chu  tangkaipuitu nih tum theuh turin a fuih a ni.

Training-ah hian mithiam bikte hnen atangin zirtirna ngaihthlak a ni a,  KVK Scientist Dr. Malsawmkimi (Horticulture) in loneitu kalkhawmte chu Sawhthing enkawl dan leh Sawhthing tam ven dan zirtirna a pe a. Zawhna leh hriatbelh duh neite hrilhfiahna neih sak nghal zel a ni bawk.

Training-ah hian Ngaizawl khuaa  Sawhthing ching mi 40 vel an tel thei a. He huna tel Sawhthing chingtute hnenah hian a thlawnin Sawhthing tam damdawi KVK bultumin sem nghal a ni.

Attachment

  • Loading attachment...