Nimin khan Nghasih Zau, Ramthar, Lunglei -ah Pu Lalhmingmawia Pachuau, DHO Lunglei hovin pangang (Fall Armyworm) in Pu Lalthakima Green House a Tomato a eichhiat te Horticulture Department hnathawkten an endik.

Fall Armyworm hian ni 18.4.2019 atanga bei tan in a hnah leh a rah an ei chhe nasa hle a ni. Heng pangang te hi a tlangpui in chhun lam ah biru in zan lam ah thlai te hi an ei chhe thin a ni. Tomato chauh ni lovin parbawr leh thlai dang chi hrang hrang an bei a. Tin, heng pangang te hi thil ei chak tak an nih avangin zan khat thil thu ah pawh pawi an khawih hnem thei hle a ni.

Lunglei District hmun hrang hrang ah pawh he pangang puang hi report tan a ni tawh a ni. He pangang in thlai a ei chhiat te enkawl nan hian damdawi te pek ni in Horticulture Department a thawk tu te hian a tul ang ang te hrilh hriatna leh zirtirna te an pe nghal bawk a ni.