Vawiin khan Kolasib DC Conference hall ah Kolasib District Road Safety Committee Member te an thukhawm.

Thutkhawm ah hian Kolasib khawpui chunga lirthei dah/hun leh chevel alo mumal zawh theihnan bakah mipui kea kal te an him tlan zawkna tur kawng hrang hrang sawiho ani a, heng zingah hian lamlian thenkhata speed breaker dah, Parking area chauh a motor dah, zebra crossing siam, rui chunga motor khalh te vai a an chunga khawng taka dan lekkawh, lamlian dip zawnga insakna bungraw dah/rod chhut, kawng sira sa sah leh chawhmeh zawrh te  bakah Traffic Rules and regulations zawm chungchanga Awareness campaign neih te rel ani a.  A hlawhtlin nana pawimawh em em 4E- Education, Engineering, Enforcement leh Emergency chungchang te sawiho niin heng E pali te lekkawh turin a rang lama Road Protection Squad hnuaia hmalak dan tur te sawiho bawk ani. Thutkhawm chuan tun hma aia khauh zawk leh ngun zawka duty indah bakah khawpui chhung hmun hrang hrang te chu vil/tlawh kual a pawimawh thu a rel a District Road Safety Committee hmalakna tur ah mipuiten tha taka an thawhpui an beisei thu an tarlang bawk.

Kolasib District Road Safety Committee ah hian Bawrhsap Pu Zoengsanga chu Chairman niin, District Transport Officer Pu H Lalhmingliana chu Member Secretary a ni a, Kolasib SP, EE PWD, CMO, DIPRO, Superintendent Excise, DEO, President Joint VC, President Sub-Hqrs YMA leh MJA aiawh mi pahnih te chu member a tan ruat an ni.