ATMA leh DAO, Aizawl district tangkawp chuan Aizawl district hmun hrang hrang a Vaimim chinna hmun a harsatna thlen thintu Fall armyworm tih rem dan tur leh ala tuar velo te inven dan tur zirtirna, training leh demonstration an buatsaih.

Vaimim eitu rannung puan hluarna khua Sesawng, Kelsih leh Maubawk ramahte he hun hi buatsaihin ATMA leh DAO mithiamte ngeiin a thahna leh venna hlote hmangin Vaimim hmun hi an enkawlsak a ni. Heng rannung enkawl dan tur chungchangah hian India rama Vaimim zirna hmunpui ICAR- Indian Institute of Maize Research a scientist te rawn tawh niin an ni thurawn ang hian damdawite pawh chah leh hman a ni a, a hman dan leaflet pawh vaimim chingtute tan sem chhuah nghal a ni bawk.

Pangang in vaimim a eichhiat tawh chuan a vui leh kâwm siam thlengin nghawng thalo a nei thei a, he training a mithiamte chuan vaimim chingtute chu thlaite ngun taka vil turin an chah a, heng pangangte hi hmuh an nih chuan ATMA leh DAO mithiamte hriattir vat turin kalkhawmte an chah  bawk a ni.