Information & Public Relations Department leh Mizoram Art Development Society te buatsaihin Annual Outdoor Painting Expedition, Chawngvawr Picnic spot, Chawnpui-ah nimin khan neih a ni a. Hmanraw chikim thawh chhuahpuiin artist kalkhawm ten painting hun hlimawm tak an hmang a ni.

He outdoor painting expedition hi Information & Public Relation Joint Director Pi Lallianpuii hovin Department Official thenkhat ten an hmanpui a. Mahni tuina zawng theuh colour leh hmanrua inchhawpin scenery leh thil dang lem an ziak a. Hun hlimawm tak hmangin painter ten hlawk an inti hle a ni.

Chawhnu lamah khaikhawmna neih niin Pu Laltanpuia, President, MADS in he hun hi a kaihruai a, Member ten an thil ziah chungchang leh hlawkna an neihte inhrilh hriat tawnna te an nei a, Nodal Department in lemziak lama hma latute talent ti hmasawn zel tura inhawng taka programme hrang hrang an buatsaih thin chu lawmawm an tih thu an sawi bawk a ni.

Outdoor Painting Expedition ah hian artist 42 an tel a ni.