May 22 , 2019 zing dar 5:15 khan Ngaizel kawng chung atanga lung rawn chim thla chuan kawng hnawh pingin motor eng chi mah kal theih ani lova. Kawng an a Two wheeler workshop chu lung tla hian deng chhe vekin workshop a dah lai two wheeler paruk(6) pawh kawng thlangah a len thla vek a.

Hemi chanchin hriat veleh Aizawl South-III bialtu MLA Dr.Lalnunmawia, PWD Engineer-in-Chief, Pu K.Lalsawmvela, Chief Engineer  Pu Bowman  leh Aizawl Road South EE  Pu David Sapzova leh DM&R Director Pu F.J. Liantluanga te chuan a hmunah en nghalin hma lak dan tur an sawi hova. Kawng hi lung lianpui pahnih in a hnawh pin avangin leh lung halna hman ngam a nih loh avangin Rock Breaker hman a ngai a.  Khuain a zir a thawh chhunzawm zel theih anih chuan 27.5.2019 ah chuan then fai hman beisei ani.

Aizawl chhhimlam a kal tur motor te chi chu Kulikawn atanga tlak lama kalin Hridaikawn lama kal theih ani a, motor lian erawh chu Aizawl By-Pass (World Bank Road) leh Model veng- Hridaikawn lamah kal theih bawk ani a;  Motor kal dan tur pawh Traffic Police lamin an ruahman fel bawk.

Lung tla mai thei a awm avangin leh fimkhur taka thawh a ngaih bawk avangin kawng hawn lawk theih anih loh pawh a lo hrethiam turin PWD chuan mipui te a ngen e.