Naktuk ni 23 May, 2019 zing dar 8:00 atanga Serchhip District-a vote tlate chhiar tura inbuatsaihna kal zelah tukin khan Counting Official ten vote an chhiarna tur Counting Hall leh Counting Table tur theuh siamremna 2nd Randomization an nei a. Vawiin vek chawhma dar 11:00 khan DC Training Hall-ah Counting Agent ten Counting Day atana an hriat tur pawimawh hrang hrangte inhrilhhriatna neih a ni.

Venhimna hna thawktu, 225 Battalion CRPF, 3rd Battalion MAP leh Serchhip Police te tan Serchhip District Election Office tualah Pu R.Sathyadundaram, SP Serchhip hovin vote chhiar ni a an duty dan turte leh an tihtur leh hriattur pawimawhte hrilhhriatna hun an hmang a, vote chhiar ni a Police duty turte hi naktuk zing dar 6:00 ah an duty na hmun tur theuhah awm tura tih an ni.

Naktuk 23 May, 2019 zing Dar 7:30 ah Strong Room hawn a ni ang a, zing dar 8:00 atangin vote chhiar tan tur niin, Media Centre atan DC Office a SDO (Sadar) Pisa chu ruahman fel a ni tawh a ni. Kumin Lok Sabha MP inthlanna vote chhiarah hian VVPAT panga chhiar tel anih dawn avangin tum dang aiin vote chhiar chhung a rei zawk rin a ni.