Naktuk May ni 23, 2019 (Ningani)-a Aizawl District huamchhunga MP Inthlan atana Vote tlate chhiar tura inbuatsaihna kal zel chu peihfel thawkhat tawh a ni a. Aizawl District-a Vote tlate hi hmun 3-ah chhiar a ni dawn a; a chhiarna hmunpui ber Counting Centre No.1 chu Assembly House Annexe Basement I, II & III-ah a ni ang a, Counting Centre No.2 chu R.Dengthuama Indoor Stadium-ah niin Counting Centre No.3 chu Govt. Aizawl College/Boys ME School a ni thung ang. Vote tlate chhiar tur hian naktuk zing dar 8:00 atangin heng Counting Centre 3-a Counting Hall-ah chhiar tan a ni ang.

Vote Chhiar niah hian Counting Centre 3-ah Media Centre siam a ni vek dawn a. Heng Media Centre atangin vote result bakah thu pawimawh zawng zawng puan a ni ang. Tualchhung leh State pawn atanga lo kal chanchinbumite tan vote chhiar chhung zawngin Media Centre-ah engtiklai pawhin thuthar hriat theih reng a ni dawn a ni.

Attachment

  • Loading attachment...