DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/ngaizel-pheia-lung-leh-lei-tla-chungchanga-aizawl-sp-thuchhuahp

NGAIZEL PHEIA LUNG LEH LEI TLA CHUNGCHANGA AIZAWL SP THUCHHUAH

583/2025-2026

Aizawl the 26th May, 2025: Mizoram Sorkar Notification No.B.12021/10/04-TRP Dt.22.8.2008 leh Section 115 & 117 of MV Act, 1988-in thuneihna a pek angin; Ngaizel pheia lung leh lei tla thinin chhiatna tum engemawzat a thlen avanga mipui kea kal leh lirtheia veivak te himna atan Aizawl SP chuan a hnuaia mi ang hian thupek a chhuah.

Lalnghakliana Filing Station, Kulikawn atanga Pu R. Lalchhuanawma Building inkar kawng chhak lamah lirthei eng chi mah dah/park phal a ni lo. Tin, lirthei veivak ti khaihlak thei thil dang engmah dah phal a ni lo.
A chunga kawngpui dung tarlanah hian lung/lei tla a awm thulhah lirthei veivak te rang taka inthiarfihlim zung zung a nih theih nan; a inhlat thei ang berin tlan tur a ni.