582/2025-2026

Thenzawl, 26th May, 2025 : Vawiin khan 1st IR Batallion Commandant, Mualvum kal chhuak ta Pu Lalthakima, MPS chuan Police Training School, Thenzawlah Principal hna a zawm fel.

Principal thar hian amah lo dawngsawngtu a thawhpui tharte nen inkawmhona hun tha tak hmangin, hmachhawp awm leh hmalaknate an sawiho nghal a, theihtawp chhuaha tha taka thawk tlang turin an inchah a ni.

Pu Lalthakima hi 2011 batch MPS (Mizoram Police Service) a ni a, Mizoram chhung hmun hrang hrangah post pawimawh tak tak a lo chelh tawh thin a ni.

Police Training Centre hi kum 1973 khan 1st Batallion Mizoram Armed Police, Lungverh, Sakawrtuichhun hnuaiah bul tan a ni a, kum 1986 khan dan hmanga felfai zawka sawhngheh a ni. Kum 2011 khan Thenzawl, Serchhip District ah ram
bigha 1229.99 a zau ah sawn niin Training Centre puitlinga puan a ni a, kum 2012 khan Training School puitlinga hlan kai a ni.

Tun dinhmuna PTS, Thenzawl atanga zirchhuak tawhte dinhmun hetiang hi a ni : -

RC Basic Training Course - mi 8652
SI(UB) Basic Training Course + mi 18
ASI(UB) Basic Training Course - mi 20
MPRO Basic Training Course - mi 119
ASI(M) Basic Training Course - mi 69
SI(UB) Refresher Course - mi 50
ASI(UB) Refresher Course - mi 298
Dy.SP Refresher Course - mi 8
Constable(UB) Refresher Course - mi 938
PSO Refresher Course - mi 173
HC(Opr) Refresher Course - mi 100
Orientation Course - mi 189
SI(UB) Pre-Promotion Course - mi 165
SI(AB) Pre-Promotion Course - mi 165
ASI(UB) Pre-Promotion Course - mi 171
Platoon Commander Course - mi 892
SUO Cadre Course - mi 1750
JUO cadre Course - mi 2436

Tun thlengin mi 16,213 in PTS atang hian an zir chhuak tawh a ni.