SIPMIU (NERCCDIP) chuan a hnuai a mi ang hian mipui chunga lawmthu sawina leh ngenna a chhuah:

SIPMIU chuan Aizawl khawpui tih changtlunna atan kawng hrang hrangin hna a thawk chhunzawm zel a, mipuiin tui hman tur hnianghnar zawk an neih theih nan te, Sewerage System felfai tak leh bawlhhlawh sawngbawlna hmun te a buatsaih mek zel a ni. Hnathawh chhung hian khawtlang leh mimal nitin nunphung tih danglam a lo ngai thin a, mipuiten hrethiam takin, ram hmasawnna a ni tih thlir chunga an lo dawnsawn thin avangin lawmthu an sawi a.  Amaherawhchu, khaw chinchang hriat lawk theih a nih loh avang leh khawchhe hnuaia hnathawh hian duhthusam a tlin thin loh avangin eng emaw chenah hna hi tluang takin kalpui a theih lova. Hemi avang hian Aizawl mipuite hriatthiamna SIPMIU Aizawl chuan a ngen rualin a theih chen chen a mipui tawiawmna leh tanpui zel turin a ngen nghal bawk a ni.