Vawiin khan Lawngtlai BDO BNRGSK Hall-ah Lawngtlai District-a Drawing & Disbursing Officer (DDO) leh NPS Dealing Assistant te tan Account & Treasuries chuan National Pension Scheme (NPS) chungchang zir hona an buatsaih. 

He hun hi Lawngtlai Treasury Officer Dr K.Lalnghinglova’n a kaihruai a. Assistant Director (NPS) Pi Esther Leihang chuan sensitization drive neih chhan leh kalpui dan tur tlangpui a sawi hawng a. A&T-a Assistant Auditor Pu F.Malsawmkima leh Pi Bernadeth Lalhmangaihtluangi te'n NPS chungchanga hriat tur tul leh thil thar awm chungchangah zirtirna an pe a. Zawhna leh chhanna hun hlawkthlak tak hman niin, Lawngtlai Treasury Office-a Assistant Treasury Accountant Pu K.Hmunsanga’n lawm thu sawiin hun a khar a ni. 

National Pension Scheme (pension dan thar) hi Mizoram sawrkar chuan ni 1.9.2010 atang khan a hmang tan a. NPS subscriber-te’n harsatna an tawh loh nan leh an harsatna tawhte pawh chin fel zung zung a nih theih nan sensitization drive hi buatsaih niin, vawiina Lawngtlaia hun hmanah hian Lawngtlai Treasury leh Chawngte Treasury hnuaia DDO leh dealing clerk te an kal tha hle.