Pu Lalrobiaka, ZIDCO Chairman chu Ngopa-ah Independence Day, 2015 lawmnaah khuallian niin, tukin zing dar 7:30 ah hnam puanzar pawt pharhin, march past contingent 12 ten Hnam Puanzar chibai an buk chu a chhang let a ni.

Khuallian hian mipui kalkhawm te hmaah thu sawiin, ram hmasawn nan remna leh muanna a pawimawh thu leh, India ram chu khawvel inelna hrang hrang a hmasawn chak ber pawl a nih thu a sawi a. Mizoram chu politician te, official te ta bik ni lovin a chhunga mipui, khua leh tui zawng zawng ta anih avangin tu pawhin neitu rilru pu takin kan enkawl a pawimawh thu leh, chutisng rilru kan put tlat chuan zalenna hi kan hum chho zel ang tiin Pu Lalrobiaka hian a sawi a ni.