2973/2023-2024

Dated Ngopa the 8th December 2023: Nimin a NITI Ayog in Virtual event hmanga Aspirational block program 2023 delta ranking a tihchhuah ah Ngopa block chuan Zone 1, hilly and North Eastern areas ah lawman pahnihna la in Cheng Vaibelchhe 1(Rs1 crore) an dawng.

Aspirational Block Programme (ABP) hi NITI Aayog hmalakna a ni a, India ram pumah  block hmasawn ngai zual thlanchhuah bik  500 te hmasawnna chak zawka kalpui  tumna atan a ruahman a ni.  ABP hi  Aspirational Districts Programme (ADP) zulzui a block level a hmalakna pawimawh tak a ni.

Block-te hi geographically-in zone parukah ṭhen anni a, zone tin aṭanga block pahnihte chu ranking pek an ni bawk. Zone 1-ah hian tlangram leh hmarchhak State bakah thliarkar ho te pawh an tel a, pakhatna leh pahnihna chu Amri block, West Karbi Anglong, Assam leh Ngopa block, Saitual Mizoram te an ni.

He award a tehfung, key performance indicators hi 40 a then a ni a, theme 5 a dah a ni bawk. Key performance indicators lian zual te chu Health, education, agriculture and allied service, basic infrastructure leh social development te an ni.

He hun hi Shri Suman Bery, Hon’ble Vice Chairman, NITI Aayog chuan a kaihruai a, NITI Aayog members, Prof. Ramesh Chand, Dr. V.K.  Paul leh Dr. Arvind Virmani leh CEO  Shri BVR Subrahmanyam te pawh an tel a ni.