Tukin zing dar 1pelh khan Ngopa Chhim Veng Lane IV a Pu Genkhanliana te chhungkaw luahlai chu bungrua engmah chuh hman lohin a kangral.
In kan lai hian an chhungkua an awm lova, In neitupa, Pu Genkhanliana hi Aizawl lamah hnathawk a a awm lai niin, A nupui Pi Lalhriati hi an țhenawmte inah a riak chhuak a. Tumah an awm loh avangin thi leh hliam tuar an awm lo hlauh a ni.
In hi a kang a ni tih hriat a nih a, mipui an tlankhawm meuh chuan țhelh hman a ni tawh lova. Eirawngbawlna Gas Cylinder puak meialh-in hneh taka in hi a tuam nghal avangin țhelh theih a ni lo a ni.
In kan chhan hi hriat chian nilo mahse, Curent kalsual vang a kang anih theih thu Ngopa khawtlang hruaitute hnen atangin dawn a ni.
VC leh YMA ruahmanna hnuaiah vawiin khan in hi sak țhat hnatlang neih nghal a niin, khawtlang mipui ten theih ang ang an thawhkhawm bakah, Bialtu MLA & Minister Pu H. Rohluna chuan hnatlang thingpui lumna tur a pek bakah Inchung tur Rangva bundle 4 a tum sak a, khawtlang hruaitu te an lawm hle.
