Vawiin chawhma dar 11 khan Hausiampa Hall Haulawng ah Pu John Tanpuia Addl DC Lunglei kaihhruaina in Saansad Adarsh Gram Yajana (SAGY) Awareness Campaign neih a ni.

Pu K.Lalrohlua, Project Director DRDA leh Charge Officer ni bawk chuan SAGY kalphung sawi in India ram thingtlang khaw hrang hrang a cheng ten mihring khawsakna chawi kang tura mamawh zualpui tui, eng tha, hriselna, zirna tha, leh eizawnna tha te khawpui a cheng te ang an neih ve theih na tur a Sawrkar laipui programme niin, kum 2014 october ni 11 atanga kalpui tan a ni a ti. Pu CL.Ruala MP Loksabha in a pahnihna atan Haulawng khua hi SAGY hnuai Model Village atan a thlang a, Khaw dang te entawn tlak a siam tur a ni, a hranpa in sum a awm lova, Central leh State Sawrkar in thawhhona tha nen a khawtlang mil a hmasawnna kalpui tum a ni a. Hmasawnna awm sa tangkai tak a siam bak ah kawng chi hrang hrang a tih hmasawn hi a tum ber a ni. Department hrang hrang hmasawnna tur in ruahmanna an siam a, an hmalakna te hi Charge Officer hnen ah an thehlut thin tur a ni a ti. Model Village atan hian Mipuite hnen ah rilru thianghlim, hriselna changtlung, tlawmngaihna leh ai a upa zah thiamna, intihbuaina leh sual laka fihlim, ei leh bar a intodelh, ramngaw humhalh leh Sawrkar tha neih theihna kawng a hmalakna hrang hrang in zirtir hi a tum a ni.

Vawiin a Awareness Campaign ah hian Department pali(4) ten Sawrkar in hmasawnna kawng a thil a tih te mipuite hnen ah in hrilh hriatna neih a ni. Pu VLMS Dawngliana, CMO Lunglei in hriselna chungchang a IMR leh MMR tlakhniam nan RMNCH+A hi kalpui mek a ni a ti. Chhangkhatna chungchang te, Nu nau nei insiam te hamthatna (Scheme) awm thei hrang hrang te, nau piang hlim ni 28 tling te tan Damdawiin a inentir te tana a hamthatna,naupang kum 5 hnuailam te tan a hamthatna leh tleirawlte enkawl dante a sawi a ni. RSBY hnuaia Health Care chungchang a hamthana te hmang tangkai theuh turin Khua mipuite a chah a ni.

Pu C.Lalbiakfela, JE, PHED Lunglei in Faina chungchang in zirtirna vawi nga(5) neih a ni a, Swatch Bharat Mission (Gramin) hnuai a IHHL Scheme hmang in chenna in 114 ah inthiarna siam sak an ni a, Vantlang inthiarna Tlawng ah siam a ni a, Haulawng khaw chhung ah pawh siam tum a ni a ti. Bawlhhlawh paihna (solid leh liquid) sawngbawl dan chungchang te, tuihna humhalh leh ramngaw humhalh a ngaih zia thu te a sawi. MP Fund cheng nuai 15 hmang in Arbawh lui atanga tui lak natur khawl bun a ni. Haulawng leh khaw chhehvel te tan a tui thianghlim in tur Vanva Lui atanga tui lakna Haulawng Composite Water Supply Scheme DPR, 11.865 crore Sawrkar ah thehluh a ni tawh a ti bawk.

Pu Kawlkunga Kawlni, Dy.DPC, SSA Mission Lunglei in Participation of Community in education tih thupui sawi in Vantlang in zirna hmasawn nan tih te tur kan neih thu a sawi a. Kum 6 atanga kum 14 te tan a thlawn a lehkha zir theihna te sawi in heng ah te hian Vantlang in Sawrkar chauh ring lovin tha thawh a ngaih thu a sawi a ni. SSA hmalakna te sawi in Meat Day Meal pek dan chungchang te a sawi bawk. Model Village changtlung ni turin zirna kawng ah enge kan tih ve theih tih leh nu leh pa ten sikul naupangte tan engemaw tal thawh khawm tum theuh turin a chah a ni.

Dr.Vanlalbuanga, DAH&VO, Lunglei chuan kan ran vulh te hri leh natna lak a damlo te duat taka enkawl a an natna te mihring te ah a kaichhawn theihloh nan a inven dantur te, engtinnge mihring hi ran atanga natna lak ah kan fihlim theih ang. Kan ranvulh te hi kan ei leh bar leh minti changkang tu an nih avangin duat taka enkawl in natna lak ah kan venhim a tul hle a ni a ti.

Vawiin a SAGY Awareness Campaign hi Dr.Malsawmtluanga Fanchun, BDO, Lunglei in lawmthu sawi in hun a khar a ni