2963/2023-2024

Tukin zing dar 7:00 khan Zoram Driver’s Union, Ngopa Sub-Headquarters huaihawtin Ngopa kawtchhuahah Road Safety Week hawnna hun hman a ni.

He huna khuallian, Pu H.Lalramliana, SDO (Civil), Ngopa chuan India ram pumah road accident avangin minute thum zelah mi pakhat thi zel ang a nih thu leh Mizoramah kum 2022 chhung khan accident vawi 133 a thleng a, heng zinga mithi 57 te chu tlan chak luat vang a nih thu a sawi . Rui chunga lirthei khalh avangin mi 13 in nunna an chan a ni, a ti a, thihna thleng tam tak hi fimkhur avanga pumpelh theih anih a rinawm’ a ti.

Pu H Lalramliana chuan lirthei khalhtute chu hawihhawmna vawng tlat tura chahin, hmanhmawha min tlan pelh tum tu thenkhat te chu damlo na tak phur emaw, an chhungte la dam hmel hmuh hman hram tum te an nih theih avangin remchang hmasa bera inpelhtir turin a chah . Lirthei khalhtute chu an kutah mi nunna a innghat tih hriaa fimkhurna vawng reng turin a chah bawk.

ZDU Road Safety Week vawi 42-na hawnnaah hian khaw chhe hnuaiah lirthei khalhtute leh mi engemawzat an kal khawm a ni.