2962/2023-2024
Dated Serchhip, the 7th December, 2023: Halpuah leh halmawite hian nasa takin mihring hriselna a tichhe theiin, boruak a tihchhiat leh tih bawlhhlawh mai bakah ri bengchheng a siam a, silai lem a mu nei chite hian mihring piansualna a thlen tak fo bakah tul lova sum khawhralna a ni bawk. Chuvangin, Serchhip District mipuiten hriselna tha tak kan lo neih theih nan leh sum leh pai tam tak kan khawhral loh nan heng hunpui kan neih - Krismas leh Kumthar hlim tlang tak leh thlamuang taka kan hman theih nan Serchhip DC Pu David Lalthantluanga, IAS, District Magistrate, Serchhip District, Serchhip chuan Section 144 CrPC, 1973 in thuneihna a pek angin hetiang hian thupek a tichhuak:-
Serchhip District huamchhungah Kum 2023 Krismas leh Kum 2024 Kumthar
vuakvetah -
1. Halpuah, halmawi, sky lantern leh puakthei thil dang, boruak thalo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni.
2. Naupang silai lem a mu hmang chi reng reng lakluh, zawrh leh hralh khap tlat a ni.
He thupek zawm lo chu Section 188 IPC hnuaiah dan hmangin hrem an ni ang.
He thupek hian December 6, 2023 atanga thlahnih(2) chhung a huam ang.
