2961/2023-2024

Dated Serchhip, the 6th December, 2023: Vawiin khan PUSA Mela Ground, New Delhi-ah ‘MILLIONAIRE FARMER OF INDIA AWARD 2023’ semna neih a ni a. Mizoram District 4 (pali) atanga thlanchhuah Pu Vanlalfela N. Vanlaiphai, Serchhip District; Pu M. Hrangmawia, Siata khua, Siaha District; Pu KB. Sangkhuma, Rabung khua, Khawzawl District leh Pu VL Remruatpuia, Darlak khua, Mamit District te chuan he Award an dawng a. Heng Award dawngtute hi Mizoram KVK ten nomination an siam atanga an thlan chhuah an ni a. Millionaire Farmer of India tih Title (nihna) pek an ni.

Serchhip District atanga award dawngtu Pu Vanlalfela hi N. Vanlaiphai khua a ni a, Mizoramah chuan Sunhlu tui zawrh chhuah theih tura siam chhuak hmasa ber zinga mi a ni. Kum 2011 atang khan Sunhlu tui sawrin enterprise a din tan a. Sunhlu candy, Sunhlu powder, Sunhlu den leh sunhlu oil te siam chhuak in eizawn nan a hmang mek a ni.

Kum 2016 khan Horticulture Department hnuaiah Best Entrepreneur Award la in, tunah hian Sunhlu huan a siam mek a, Sunhlu sawngbawl bak ah essential oil siam lamah hma a la leh mek a ni. Chhungkaw harsa ve tak atanga bul tan in tunah chuan an eizawnna enterprise hlut zawng hi chawh rualin nuai engemaw zat ni a chhut sak a ni.

Angels Business Promoter, Aizawl te nen Farmers Producer Organization dinin Chairman hna a chelh mek a. A sunhlu candy siam hi state pawnah thawnchhuah tur a hmalak mek niin, Trilukya Dutta, Guwahati based innovator te nen inbiakna a kal mek bawk.

Millionaire Farmer of India Award  hi MC Dominic, Founder & Editor-in-Chief, Krishi Jagran a ngaihtuah chhuah niin PUSA Mela ground-ah December ni 6-8 chhung hian chawimawi an ni dawn a ni.

Attachment

  • Loading attachment...