318/2023-2024
Champhai, the 4th May, 2023: Champhai District chhung Ngur khuaa vawk engemawzat thite thih chhan chu Preliminary test-ah African Swine Fever (ASF) a ni tih finfiah a nih avangin Dr.B.Lallawmsanga, District A.H. & Vety. Officer (DAH&VO) chuan 'The Prevention and Control of Infectious & Contagious Disease in Animal Act 2009, Section 20 Sub-Section I in thuneihna a pek angin Ngur khua chu vawiin May ni 4, 2023 atanga thuleh awm hma vawk hrilenna hmun 'Infected Area' ah a puang.
Thuchhuah chuan African Swine Fever lenna hmun Infected Area a puan tak Ngur khuaah hengte hi zawm ngei tur a nih thu a tarlang;
1. Ngur khua atanga vawk lakchhuah emaw, lakluh emaw phal a ni lo.
2. Vawk thi reng reng paih mai lovin, chinai (Lime) nen thuk taka phum tur a ni.
3. Ngur khuaah vawk talh leh vawk sa zawrh khap tlat a ni.
Champhai District Magistrate Pu James Lalrinchhana chuan Sec. 144 CrPC, 1973 (Act II of 1973) in thuneihna a pek angin Ngur khua, Champhai District atanga vawk/vawk sa leh vawk sa atanga siam reng reng hralh chhuah/thawn chhuah/lak luh khap tlat a nih thu May ni 1, 2023 khan a lo chhuah tawh bawk a; thupek chhuah chuan thla hnih chhung a huam dawn thu leh dan bawhchhiate chungah dan anga hmalak zel a nih tur thu a tarlang bawk.
