317/2023-2024

Mamit 4th May, 2023 : Vawiin khan SIRD Conference Hall, Mamit-ah Pu H.Lalrosanga, Dy. District Project Coordinator Samagra Shiksha, Mamit kaihhruaina hnuaiah MIS Web Portal PM POSHAN SCHEME chungchangah District chhunga BRCC, CRCC leh MIS Coordinator te'n Training cum Workshop neih a ni.

Pi Lalmuankimi, State Asst. Programme Manager (PM POSHAN) leh Pu Lalremruata (MIS) te'n zirtirna an pe a. Portal based a report pek dan tur te chipchiar taka zirho a ni.

He Programme hi nimin atanga neih tan niin nimin khan khan Mamit Chhimveng YMA Hall-ah Education Campaign leh Social Audit on PM POSHAN Scheme neih a ni a. Pu Lalhmachhuana, Addl. Director, School Education Department leh Pu Laldingliana, District Education Officer Mamit te'n thawktute fuihna thu tha tak tak sawiin, zirna kawngah hmasawn zel a pawimawh thu uar taka sawi a ni. Quality Education pawimawhna leh NEP 2020-in a ngaihpawimawhte tarlan a ni.

Tunah hian School hrang hrang 20-ah PM POSHAN Social Audit kalpui a ni a. Social Audit hi Dr. KT Pakhuangte, Associate Professor SIRD & PR Mizoram-in felfai takin a kalpui a ni.

Nimin hun hmanna-ah hian SMC member leh naupang nu leh pate telin vawiin Training Cum Workshop-ah hian Samagra Shiksha hnuaia thawktute an tel tha hle a ni.