60/2023-2024
Kolasib, the 10th April, 2023: Superintendent of Police, Kolasib chuan NH-306 A Saihapui V Junction atanga Buarchep lei inkar kawngpui siamthat hna thawh chungchangah a hnuai a mi ang hian lirthei chet vel dan tur thupek a chhuah.
NH 306 A Saihapui V Junction atanga Buarchep Lei inkar kawngpui chu PWD Kolasib ten siamthat hna an thawk dawn a. Chak zawk a hna thawh anih theih nan Dt.10.04.2023 (Thawhtanni) atanga Dt.15.04.2023 (Inrinni) thleng kawng khar a ni dawn a. Kawng khar anih chhung hian Lailapur atangin nitin mamawh thil phur lirthei te chu tlan tur a ni ang.
He thupek zawm lo chu 177 MV Act hmanga hrem an ni ang. He thupek hian tul bik thila Police, Fire Dept., Ambulance leh Magistrate-te chet velna a huam lo ang.
He thuchhuah chungchanga harsatna tawk emaw report neite chuan OC Vairengte PS (Ph. No. 9436151800) / SDO PWD (9701740606) ah te biak theih reng an ni.
