278/2022-2023
Dated Serchhip, the 26th April, 2022: Pi Nazuk Kumar, IAS, Competent Authority for Land Acquisition leh Deputy Commissioner Serchhip District chuan National Highway 54 Aizawl to Tuipang laih zauh avanga Serchhip District huam chhunga compensation pek chhuah tawhte 15% cess peh leh vek tur an nih thu a hnuai ami ang hian thuchhuah a siam.

National Highway 54 Aizawl to Tuipang laih zauh avanga Serchhip District huam chhunga compensation pek chhuah tawhteah sawrkar thuchhuak angin compensation dawngtuten an pawisa dawn atangin 15% cess pek tel loh an ni a. Hemi chungchangah hian Gauhati High Court chuan 15% cess pek loh zawng zawng hi mipui a la turte hnenah pek kir leh vek tur a ni tih thupek a chhuah a. He Court thupek ang hian Mizoram sawrkar chuan 15% cess pek tel loh hi a dawngtu turten an hmuh vat theihna turin hma a la mek a. Serchhip District huam chhungah pawh compensation pek tawh zawng zawng zinga 15% cess pek tel lohte chu pek kir leh vek tur a ni a. Chuvangin, mipuiten a tul loa sum an sen thlawn lohna turin mahni sum seng heka Court-a kal emaw, ukil –te lo ruai lo turin kan inhriattir a ni