Kolasib Joint Action Committee in Dr. Zothansanga Zadeng (Surgeon) Kolasib atanga Serchhip a sawnchhuahna order cancel tura an ngenna chu sorkarin pawmin, nizan dar 10:30 khan NH54 an dan chu tihtawp a ni.

Sorkar chuan Dr. Zothansanga Zadeng sawnna order sutin, Dr.Zochampuia (Surgeon), Kolasib a National Health Mission hnuaia National Programme for Health Care of the Elderly a awm chu Serchhipah hian sawn a ni thung a ni.

NH54 dan tihtawp chungchangah nizan khan Kolasib District Bawrhsap chuan Joint Action Committee te a pisaah kawmin, sorkar remruatna te a hrilhfiah a. Hei bakah hian tharum thawhlo leh bungrua tichhe zawnga an nuarlo chu lawmawm a tih thu a sawi a ni. NH54 kawng danchah a nih chhung hian innawr buaina leh boruak duhawmlo thleng a awmlo a ni.