No.2636/2020-2020

Dated Serchhip, the 1st July, 2020: Vawiin hian Serchhip District Bawrhsap Dr. Lalzirmawia Chhangte, IAS chuan National Highway laihzauh hna tawk mektu National Highways and Infrastructure Development Corporation (NHIDCL) hotute chu meeting a neih pui.

He meeting-ah hian NHIDCL contractor te hian Serchhip District chhunga kawng laih zauh hna an thawh mek package 2 leh package 3 huam chhunga an hnathawh dante Bawrhsap hnenah hian an thlen a. COVID 19 vanga harsatna an tawh chungchang leh fur ruahtui tla in a chhunzawm tak avanga an harsatna chungchangte thlenin, an hnathawh tur Package 2 ah hian 2 km an lai tawh a, package 3 ah 2.7 km an laih tawh thu an sawi.

Bawrhsap chuan NHIDCL contractor te chu hna tha leh chak zawk a awm theih nana theihtawp chhuah chhunzawm tur leh harsatna an neih chuan hriattir zel thin turin a chah a ni.

He Meetingah hian Pi C. Lalduhzuali, SDO(S) leh Pu Kulothungan. A, SDO(C) Thenzawl leh NHIDCL hnuaia Engineer te leh contractor te an tel a ni.