No.2635/2020-2020

Siaha; the 1st July,2020: Vawiin chawhnu dar 2:00pm khan Palak bialtu MLA KT.Rokhaw chuan Evangelical Church of Maraland(ECM).Hqrs, te din leh enkawl Hospital, Maraland Gospel Centenary Hospital hnenah EECO-Ambulance(State of the art Ambulance tura thuam), PPE set--- 7, Face Mask---200 leh Hand sanitizer bur 15 te a hlan.

He thilpek hlanna hun hi ECM(Hqrs), Senior Executive Secretary, Rev. VL. Ngaia Hlychho Quarter-ah hman a ni a. Programme hi Rev. Dr. FC. Beicho, Moderator ECM Assembly in a kaihruaiin, Rev. Dr. Zakonia M. Hmocho( pastor pensioner) in programme hawnna tawngtai a hman zawhah, Rev. VL. Ngaia Hlychho,Sr.ES in lawmthu sawina hun a hmang.

MLA KT. Rokhaw chuan thu sawiin; Kan Missionary Rev.RA.Lorrain te nupa ten mara ram tan thiltha an tih tam takte zinga, ropui ka ti em em chu, Dispensary an lo din kha a ni. Hospital kan nei hma zawng chuan mara ram mipuiin kan missionary te thuthmun Saikao khua kha kan pan khawm thin a ni. Kha thil tha tak chhunzawmna turin ECM(Hqrs) in MGC Hospital an lo din a,ECM Kohhran hian thlarau damna chauh a ni lovin, tisa lam damna rawng a bawl tel hi ka lawm tak zet a ni, a ti.MLA term thumna tura thlan tlin ka han nih leh hian kan MLA fund atang hian ka bial chauh ni lo, a Mara ram pumpui atan hian enge ka ti ve thei ang; tih hi ka ngaituah reng thin a. AMBULANCE MGC Hospital a pek hi ka rilru-ah a lo lang ta a ni.Hetianga ka thilpek tlawm tak, lawm taka ECM Hqrs. in programme hlung tak buatsaiha, an lo dawngsawng hi ka lawm tak zet a ni, a ti bawk.

Pu N.Zakhai pawhin thu sawiin; Kan ECM kohhran hian Mara ram tan in tawngtai nasa a, a bik takin ram hruaitu te tan in tawngtai nasa thin hle a ni, harsa taka in din Hospital pawh; in tawngtaina avang tun dinhmun thleng thei hi a ni. in chungah kan lawm tak zet a ni,a ti.

Pu S.Hiato pawhin thusawina hun hmangin; Covid-19 hian Mara ram in Pathian malsawmna kan dawn nasat zia min hriatchhuah tir a, kan inhmangaih tawnna leh induhsak tawnna te pawh la nung reng a ni tih Covid-19 kan dona-ah hian alang chiang hle a ni. Covid-19 hian kohhran hrang hrang leh Party hrang hrang hruaitute pawh min phurkhawm hle a ni, tiin; ECM kohhran hruaitute chu bang lova, Mara ram tan tawngtai zel turin a ngen bawk.

Vawiin Ambulance leh PPE Kits hlanna hunah hian MADC CEM Pu N. Zakhai, Pu S. Hiato Ex-Minister, Pu H.Sahlo,Chairman, MADC ,Pu K. Chhuabei EM,MADC ,Pu TT.Vakhu, MDCC Vice president te bakah ECM Hqrs puipa te, ECM Pastor te,Siaha Vaihpi ECM Kohhran puipa te leh MGC Hospital-a doctor leh staff te an tel kim hle a ni.

Rev.Dr.FC Beicho chuan thilpek te Pathian hnena hlanna hun hmangin vawiin programme tawi hi a khar ta a ni.