Vawiin khan Health Directorate Conference Hall, Dinthar-ah National Health Mission bultumin nithum awh tur District Programme Manager, ASHA Coordinators leh ASHA Mobiliser te tana buatsaih Refresher Training on Functionality Reports neih a ni a, District hrang hrang atangin District Programme Manager, ASHA Coordinators leh ASHA Mobilisers te an tel kim hle.

He Training hi Dr. T.C. Hmingthangi, State Programme Manager, NHM in a kaihruai a. Dr. K. Lalbiakzuala, Mission Director, NHM in Brief Overview hun hmangin kal khawmte hnenah fuihna thu tha tak a sawi a, Dr. K. Lalbiakzuala chuan,"ASHA te chu India ramin hriselna lama ram changkang zawkte a umphak ve theih nana thawktu pawimawh em em an ni a. Nu, nau chunga thihna leh nau piang kum 5 hnuai lam thihna tih hniamna kawnga kan innghahna pawimawh an nih avangin an tha ti chaktu kan nih a pawimawh tak zet a ni." a ti. Dr. Lalbiakzuala chuan NHM hnuaia an dinhmun tarlangin Mizoram chhungah ASHA - 987; ASHA Mobiliser - 66; ASHA Coordinator - 9; State ASHA Trainers-3 leh District ASHA Trainers-18 an awm mek thu te a tarlang a.

Module 6&7 Training hi 3rd Round thleng neih a nih tawh thu leh 4th round pawh February thla chhung ngeia neih hman an tum thu a sawi bawk. He Refresher Training-a tel participants te hi group hnih-ah then an ni a. Aizawl West College-ah leh Health Directorate-ah te training neih pui an ni a. He training-ah hian ASHA ten Home Based New Born Care, thisen lak, Village Health and Sanitation and nutrition day conduct bakah Report pek dan tur chungchanga an tih ve tur chinte an hriat bel theih nana zirtirna pek dan tur te zir ho a ni a. An kalphunga harsatna hrang hrang an tawhte sawiho a ni bawk.

He Training hi January ni 30 thleng neih tura ruahman a ni.