2290/2026-2027

Saitual, the 21st September, 2026: Vawiin khan National Human Rights Commission (NHRC) Special Rapporteur Pu Sayeed Ahmed Baba chuan Saitual District-a hmun hrang hrangte tlawh kualin, Ngopaa PM Shri School Primary SchooI II, Anganwadi Centre I, EMRS School leh Hliappui Ginger Processing Unit te a tlawh.

Pu Sayeed Ahmed Baba chuan School leh Anganwadi Centre a tlawhnaah hian zirtirtute chu naupangte dinhmun leh an harsatna tawhte a zawt a, naupang enkawlna kawngah theih tawp chhuah zel turin a chah bawk a ni. NHRC Special Rapporteur hi PM Shri School Primary SchooI-ah hian Pu Vanlalhruaia, BRCC, Ngopa chuan a lo dawngsawnga, Anganwadi Centre I-ah hian Pu Lalthansanga, CDPO chuan dawngsawngin, EMRS School-ah hian Pu Zodinsanga, EMRS Principal-in a lo dawngsawng bawk a ni.

Hliappui Ginger Processing Unit hi MzSLRM hnuai, Ngopa RD Block-a awm a ni a, a hmunah hian Pi Vanlalchhuangi BMM leh Pi Hmingthansangi, Livelihood Coordinator (Non-Farm) ten an lo dawngsawng a ni. Pu Sayeed Ahmed Baba hi zanin Saitualah a riak anga, naktuk lamah One Stop Centre, Saitual Police Station, Serenity Boys Home, Hlimna In Girls Home leh District Hospital-te a tlawh anga, Saitual District-a sawrkar department hotute nen inkawmhona an nei dawn bawk a ni.