Vawiin khan National Human Rights Commission (NHRC) a Thematic Special Rapporteur Dr. Ashok Sahu chuan Kolasib a tlawh.

Dr. Ashok Sahu IES (Rtd) chuan Kolasib a tlawh chhan sawiin NHRC hmalakna hrang hrang zinga peng pakhat naupang hnathawh tir (child labour) chungchang ani tiin India chuan kum 2025 ah Child Labour tih bo/ tih tawp a tum a hemi kaihhnawih ah hian Mizoram a rawn endik ani tiin Mizoram ah chuan Child labour chu awm bawk mahse State dang te nena khaikhin chuan dinhmun tha tak ani a ti. Hetih lai hian Mizoram a mumal taka Child Labour Survey neih hnuhnun ber chu kum 1995 ani a, Data rintlak zawk a awm theihnan Survey chu neih vat a pawimawh thu a tarlang bawk. Naupang chu Right To Education Act ina a phut angin lehkha zirtir ngei ngei tur a ni a, Construction work a inhlawh thin te tan chuan Building & Other Construction Welfare Board a in register in an thawhchhuah atanga 1% chu chhun luh thin tur ani a, heta in ziahluh hian kawng hrang hrangin member leh a chhungten hamthatna an dawng thei dawn ani a ti bawk.

Dr. Ashok Sahu hian Kolasib vengthar a Salvation Army Home ‘ENNA IN’ chu a tlawh bawka he hmuna an hmalakna hrang hrang bakah harsatna an tawh te chu sawipui in, naupang te chu kum 18 an tlin chuan mahni kut kea an din theihnan kawng an zawh a hun tawh a Vocational Training lam te pawh ngaih pawimawh a tha ani tiin Industrial Training Institute ah te zir chhuak thei sela, National Council of Vocational Training Certificate an nei thei dawn a, hei hian India ram khawi hmunah pawh eizawnna zau zawk a hawn sak dawn ani tiin Home enkawltu te chu an hnathawh thatak chhunzawm zel turin a chah bawk a ni.

Dr.Ashok Sahu hi Kolasib bawrhsap Dr.Arun T, IAS, Kolasib SP Abhisek Dhania, IPS leh Sawrkar Official dang ten an lo dawngsawnga, inkawmhona hunah hian Social Welfare Department , Education Department, Sub-Hqrs YMA leh Kolasib MJA hruaitute an tel a ni.