No.4357/2021-2022

Aizawl the 22nd March, 2022 : Labour, Employment, Skill Development & Entrepreneurship Department buatsaih ni hnih awh ‘KAWTCHHUAH – 2022: A start-up fair for Govt. I.T.I pass-outs’ chu vawiin khan Govt. ITI Campus-ah hawnna neih a ni.

He hawnna inkhawma khuallian Pu Lalramsanga Sailo, Secretary, LESDE chuan thusawiin, LESDE Department chuan KAWTCHHUAH 2022 hmang hian mahni kutkawih leh them thiamna hmanga eizawnna chawi lar a tum ber a, ITI atanga zir chhuak tawhte, an kal zelna tur kawng sah kuakpui a, tiphurtu leh chona thar petu atan he programme hi duan a ni a ti. Govt. I.T.I atanga zir chhuak, mahni kut kawih a eizawn tumte (entrepreneur) tana kawng hawnsakna tur platform tha tak a nih thu a sawi bawk a. ‘Kawtchhuah’ tih hi Mizo pi leh pute hnathawk tur leh an thiam thilte hmang tangkai tura an innghah khawmna hmun a nihna angin, he KAWTCHHUAH programme hi hmang tangkai turin intihsiakna hmachhawn tura kalkhawmte a chah bawk a ni.

Hun kaihruaitu Pu K.Lalhmingliana, Director, LESDE chuan Skill World-a kan awm tawh avangin hemi kawnga tan lak a la ngaihzia a sawi a. Pi Jordanthangi, Employment Officer chuan intihsiakna buatsaih a nih dan leh kalphung turte a sawi a; KAWTCHHUAH 2022 hi a bul tanna a ni a, he intihsiak hlawhtlinna hi thlanchhuahte kutah hian thui tak a inghat dawn a ni a ti a, hemi a nih avang hian monitoring pawh uluk taka kalpui tur a ni a ti bawk. Dr. JT. Vanlalngheta, Jt. Director, LESDE chuan lawmthu sawiin he hun hi a khar a ni.

KAWTCHHUAH 2022 hi Govt. I.T.I pass chhuak tawhte tana hmalakna bul tanna tura business plan nei tha thlan chhuahna tur niin, he intihsiakna a tel tur hian application 61 a lut khawm a. Heta titha thlanchhuahte hian pawisa fai Rs. 50,000/- an dawng ang.

KAWTCHHUAH 2022 hi vawiin ni 22.3.2022 atang tan niin, naktuk ni 23.3.2022 hian khar tum a ni.