No.4358/2021-2022

Aizawl the 22nd March, 2022 : Siaha, March ni 22 : Vawiin chawhnu dar 01:00Pm khan MADC Forest Hall-ah World Water Day-2022 chu Theme atan "Ground water : Making the invisible visible" hmangin urhsun taka hman a ni. District Bawrhsap Pu Lalsangliana chuan khuallian niin he hun hi a hmanpui bawk. Thu sawiin Pu Lalsangliana chuan Siaha Town awmna hi a hmun a rem hle a, tlangin a hual vel vek a, heng kan tlang pangah te hian thing leh mau kan phun khat leh vek a, ramngaw kan siam leh chuan Gravity hmang pawh hian Tui hnianghnar theih tur kan ni. Chuvangin kan ramngaw neih chhun te hi kangmei lakah humhim ila, ti chereu tawh lovin, thing leh mau te phun belh zel zawk ang u. Siaha district hi keini a chhunga chengte baka hmangaihtu tur a neih lo. Kan MTP leh YMA member te tun aia nasa a kan ramngaw leh tuihnah humhalhna kawngah tan la zual sauh turin ka ngen a che u, a ti. 

Vawiin Programme hi Nl. Linda chuan kaihhruaiin, Er H.Lalnunthanga, Sr. EE, PHED Saiha WATSAN Division in Keynote Address a sawi a.

Pu N.Vabeiratlua, DIPRO in DRAMA Preview na hun a hmang.

World Water Day-2022 pualin PHED, Saiha WATSAN Div. Siaha chuan  MTP Branch hrang hrang  leh Chhimtuipui Group YMA hnuaia YMA Branch hrang hrang te tan Tuihna Humhalh tih thupuia hmangin DRAMA Competition a buatsaih a. Mara tawng leh Mizo tawng DRAMA hi chan anih avangin MTP leh YMA tan hian a hranin inelna  buatsaih a ni. Pakhatna (1st) atanga Pathumna (3rd) thleng thlan chhuah a ni bakah, Best Actor, Best Actress, Best Script Writer leh Best Director te thlan chhuah an ni a. Prize Winner te hnenah hetiang hian lawmman pek an ni:-

 1st prize--- Rs.30,000/- 

2nd Prize----Rs.20,000/- 

3rd Prize---Rs.10,000/-

Best Actor, Actress, Script writer leh Director ten Rs. 4000/-theuh an dawng bawk.

Heng bakah hian lawmman la pha ve lo te hnenah Consolation Prize--Rs.3000/- theuh pek an ni bawk.

MTP(H) hnuaia MTP Branch te zinga DRAMA Competition a lawmman dawngtu te chu:-

1st Prize--Siaha Vaihpi

2nd Prize---Meisavaih 'W'

3rd Prize---Meisavaih 'E'

Best Actor---H.Beihmôpha, Siaha vaihpi

Best Actress---Zetty Khaila, Meisavaih 'E'

Best Scriptwriter--A. Judithy Beinônai, Siaha vaihpi

Best Director--- P. Beingiaparôna, Meisavaih 'W'

Chhimtui Group YMA hnuaia YMA branch te zinga DRAMA Competition a lawmman dawngtu  te chu:-

1st---Meisatla

2nd---Tipa 'B'

3rd---New Siaha

Best Actor--- VL. Sangliana Ralte, Meisatla

Best Actress--- Zothanmawii, Meisatla

Best scriptwriter-- Rodinthara Sathing, Tipa 'V'

Best Director--- Laltluangpuia, Meisatla

DRAMA Competition lawmman te hi khuallian in a sem a, Individual a lawmman te hi MTP(H) President Pu PP. Zalena leh Chhimtuipui Group YMA President Dr. David Zaitinvawra ten semin, Consolation prize te hi Er. NT. Jevis SDO(M), PHED leh Er. PC. Lalthanliana SDO(R), PHED ten an sem thung.

Pu R.Zohmingmawia, AO, PHED in lawmthu sawina in vawiin programme hi a khar ta a ni.