2470/2025-2026

Aizawl, 1st December, 2025 : Mizoram Health Systems Strengthening Project (MHSSP) buatsaih December ni 1 atanga ni 5 thleng awh tur “Khuarel chhiatna leh natna punlun thut hmachhawn dan tur” Training neih tur chu Dr. Lily Chhakchhuak, Project Director, MHSSP leh Mission Director, NHM chuan vawiin khan a hawng.

Dr. Lily Chhakchhuak, Project Director, MHSSP chuan Covid 19 khawvelin a hmachhawn atanga hmuh theih-ah chuan hmun tinah chhiat rupna hmawchhawn dan training duh ang a tha a awm loh avangin kan tuar na em em a, mitthi pawh tam tak an awm a ni a ti a. Tunlai kan hun tawn ah natna emaw, khuarel chhiatna eng pawh thleng reng thei dinhmuna kan din avangin hemi kawngah hian Mizorama hriselna lama thawktu zawng zawng te training tha zawk kan neih hi a tul thu a sawi. Public health emergency management hi doctor thiam ber pawhin amah a a tih theih a nihloh bakah hospital tha ber pawhin anmahni a an tih theihloh thil, thawh hona, district leh state level thleng a pawimawh tak anih avangin health department a thawk a tam thei ang berin hemi training hi an neih a pawimawh em em a ni a ti a. Damdawiin zawng zawng atanga koh a tul laiin a training hi ni 5 lai awh anih avangin vawikhata doctor zawng zawng koh khawm kha mipuiah harsatna a thlen theih dawn avangin distict tin aiawh koh phawt anni a. District tin-ah a remchan dan anga training hi facility zawng zawng te tana buatsaih leh tum anih avangin vawiin a lokal khawmte hi chuan uluk taka kan zir chian a, training pe chhawng leh thei tur khawpa kan thiam a pawimawh thu a sawi a. He training hian district leh state level ah pawh public health emergency alo thlen hunah pawh mawhphurtu mumal tak inruat te, thawh hona tha zawk neih te, natna lo punlun hluai emaw, khuarel chhiatna lian tham alo thlen palh pawha hnehsawh taka kanlo manage theih na tura thiamna inpek a tum ber a ni a ti a ni.

He training hi vawiin chawhma dar 10 atang khan Planning and Programme Implementation Conference Hall-ah tan a ni a, India ram puma Disaster Management training neih thin ang hmanga training pek anni dawn a. Training petu turte hi Kolkata-ah July ni 14-19 an lo zuk train chhuak tawh a ni.

Training pe tur te hi
1. Dr.Lallawmkimi Chhakchhuak, Deputy CMO, Serchhip District.
2. Dr.Lalthankimi Ralte, Sr.Specialist, Civil Hospital, Aizawl
3. Dr. Zonunsangi Khiangte, Deputy CMO,Aizawl West
4. Dr. Zothanpari Chhakchhuak, Deputy CMO, Saitual District
5. Dr.Albert Lalhminghlua, i/c DMS, Khawzawl DH
6. Dr.Zosangliani, i/c DMS, Hnahthial DH
7. Dr. Betty Laldintluangi, Casualty MO, ZMC&H
8. Disaster Management and Rehabilitation Department te an ni.

He training ah hian district tin CMO office aiawh te, Civil hospital Aizawl leh Lunglei aiawh te leh District hospital tin aiawh te an vaiin mi 40 an kalkhawm a ni. Training chhung hian chhiatna lo thleng thei damdawiin, district leh state pumpui anga kan hmachhawn theih dan tur kimchang taka zirtir ani dawn a, exercise hrang hrang neihpui an nih bakah disaster management and rehabilitation department te nen mock drill neih tura ruahman bawk a ni bawk.