2998/2024-2025

Dated Aizawl the 14 November 2024 : Vawiin chawhnu dar 1:15 khan, Home Department, Law and Judicial Dept, Govt of Mizoram leh Judicial Accademy, Assam-te tangho buatsaih, 'Two-days Orientation Programme on New Criminal Laws for the executive magistrate' kharna hun chu Aijal Club-ah hman a ni a. Pu T.L. Guite, Secretary, Law&Judicial Department, Govt of Mizoram chuan khuallian niin a hmanpui a. Orientation a tel zawng zawngte hnenah certificate a Hlan nghal bawk a ni.

Kharna hunah hian khuallian Pu T.L. Guite chuan Orientation Programme pawimawhna leh Orientation lo chhimtute fuihna thuchah a sawi a. Executive Magistrate-te chu an awmna hmun theuhva mipuite tana thlamuanpui tlak ni theuh tura chahin, dan hriatna chuan huaisenna a keng tel tih a sawi a. Criminal Law tharte chu huapzau zawk leh hnuchhui kawnga dang keng kawhtute tichak leh zual tura siam a nih ang takin dan keng kawhtu ten Chiang taka an hriat chu a pawimawh hle tih a sawi a. An hmun theuhva an let leh hunah pawh, dan chungchang an zirte chu midangte hnen a hrilhhretu ni zel Turin a chah nghal bawk a ni.

Vawiina Orientation Programme kharna hun hi Pu John L.t. Sanga, Joint Secretary (NP) Home Dept chuan kaihruaiin, Resources Persons: Sri Nasim Akhtar, Faculty, Judicial Academy Assam, Sri JaspalSingh, Principal Judge/Family Court Barpeta leh Smt. Shivani Handique, Research Officer, Judicial Accademy Assam-te hnen atangin Orientation chungchangah an hmuhdante ngaihthlak niin, Orientation a telte hnen a certificate hlannain a chhunzawm nghal a. Pu Zahmingthanga Ralte, Adl. Secretary Law and Judicial Dept chuan lawmthu sawina neiin hun hi a khar a ni.