Social Welfare Department hnuaia awm Social Defence & Rehabilitation Board buatsaih ni hnih awh training “Two Days Training of Trainers (TOT) on Alcohol use disorders and evidence based treatment for service providers” tih chu 2nd March, 2020 khan neih tan niin vawiin 3rd March 2020 khan ICPS, Training Hall-ah kharna hun neih a ni.

He training in a tum ber chu zu leh a ngawlveina chungchang chiang zawka zirtir a ni a. Zu in taksa a tihchhiat dan te leh enkawlna hrang hrang awm te, mimal rilru a nghawng dan te leh ngawlveina hi mimal, chhungkua, khawtlang natna a nih dante zir ho a ni a. Training ah hian ruihhlo leh a kaihhnawih chungchanga thiamna hrang hrang nei Sorkar Department, NGO aiawh te an tel a, an ni hian ruihhlo enkawlna hmuna thawktu te leh hmun hrang hrangah te zirtirna an pe chhawng ve leh dawn a ni.

He Training-ah hian Resource Person chu Pu Debashish Mukherjee, New Delhi a ni a, ani hi helam kawnga tawnhriat ngah tak niin, International Institute of Social Defence, Ministry of Social Justice & Empowerment in a Sponsored a ni.