4062/2023-2024

Aizawl, the 6th March, 2024 : Vawiin khan Labour, Employment, Skill Development & Entrepreneurship (LESDE) buatsaih ni hnih awh State Level Skills Competition-2024 chu a khatna neih niin, State aiawha National Level Competition tel turin mi 16 thlanchhuah an ni.

Kharna programme ah thusawiin LESDE Department Addl. Secretary, Pu K Lalhmingliana chuan Mizo te Skills lama kan san zia leh India ramah pawh langsar thama kan awm theih thu sawiin, Skills hmangin kan ram kan hnam hi nasa taka kan chawikan theih thu a sawi a. Thalaiteah Skill Development lama harhtharna a thleng zel a, heng avang hian kan ITI-a zir duhte pawh an in chan vek lo thin tiin, lehkha kan zir rualin thiam thil zirna lam kan ngaih pawimawha tul hle a ni a ti a. State aiawha Skills Competition-a kal turte fuihin, ram leh hnam tan an thiam thil nasa leh zuala tipunga, theih tawp chhuah turin a chah a ni.

Kharna inkhawmah hian Pi Angela Zothanpuii, Director, LESDE Department chuan Intihsiak buatsaih dan tlangpui a sawi a, Khawvela Skills lama Intihsiakna lian ber Skills Olympic an tih bawk Worldskills Competition 2024, Lyon, France-a neih tura India aiawh tur thlanna Indiaskills Competition-a tel turin State aiawh Intihsiakna hi March Ni 5 leh ni 6 chhung hian Aizawl hmun hrang hrangah kalpui a ni a, Mi 47 in trade hrang hrang hnuaiah Intihsiakna hmachhawnin, heng te hi State aiawh atana thlanchhuah te an ni.